News and announcements

post image

Bakı-Naxçıvan-Bakı marşrutu fəaliyyətə başlayır en

17 iyul 2021-ci il tarixindən etibarən Azərbaycan Respulikasının Nazirlər Kabinetinin Qərarına əsasən Bakı-Naxçıvan-Bakı marşrutu fəaliyyətə başlayır. İlkin olaraq yalnız səhər reyslərinin fəaliyyəti nəzərdə tutulur. Belə ki, sərnişinlər bu gündən etibarən iyul ayının 17-si saat 08:00 və 8:30 reysinə, eləcə də növbəti günlərə gediş bileti əldə edə bilərlər. Gediş biletinin qiyməti 30 manat, 5-10 yaş arası uşaqlar  üçün isə 50% güzəşt olmaqla 15 manat təşkil edir. Gediş biletlərini Bakı Beynəlxalq Avtovağzalının kassalarından, eləcə də avtovağzala gəlmədən internet üzərindən avtovagzal.az saytı vasitəsi ilə Online gediş bileti sifariş edə bilərsiniz. Reyslər yüksək komfortlu, geniş salona malik, sərin, Avropa standartlarına cavab verən müasir tipli avtobuslarla həyata keçiriləcəkdir.
Sərnişinlərin nəzərinə çatdırırıq ki, Gömrük keçid məntəqəsində sərnişinlərdən Covid-19 testi götürüləcəkdir. Bu testlər Azərbaycan vətəndaşları üçün pulsuzdur və testin nəticəsini gözləməyə ehtiyyac yoxdur.

Gömrük proseduru Bakı Beynəlxalq Avtovağzalının ərazisində həyata keçirildiyindən sərnişinlərin reysin yola düşməyinə 45 dəqiqə qalmış Avtovağzala gəlməsi tövsiyə edilir.